يلا يا بنات الرجيم اللى وعدتكم به و هو لطبيبة متخصصه
بسم الله الرحمن الرحيم
اولا الافطار:
3 ملاعق فول مدمس بدون زيت مع ربع رغيف بلدى (عيش اسمر)
كوب شاى بملعقة سكر واحده
او كوب شاى باللبن بدون سكر او كوب لبن منزوع الدسم
الغداء:
نبدأ بطبق سلطه خضرا يحتوى على حبه واحده من الطماطم و حبه واحده من الجزر اما بقية المكونات براحتك
(جرجير - خس- خيار - فلفل رومى - --)
بعد طبق السلطه طبق خضار خفيف مسلوق او شربة خضار معده بدون مرقه يعنى بالمياه و المنكهات فقط عشان تقدرى تاكليها
تكون محتواها كالآتى
بروكلى - كوسه - بصل - جزر - كرفس )
لا تحتوى على بسله
3 ملاعق فقط رز او مكرونه و تكون مسلوقه
ربع فرخه مسلوقه و منزوعة الجلد (الصدر طبعا) او سمكه كبيره مشويه او ثلاث سمكت صغيرين او قطعتين لحم احمر مسلوق بدون اى دهون
بعد ساعه تناولى حبه واحده من الفاكهة المسموح بها
مثل البرتقال او الموز او التفاح مثلا و سأورد الفاكهة الممنوعه لاحقا
العشاء:
كوب زبادى منزوع الدسم
ممكن تضعى عليه ملقعة رده
حبة فاكهة و ممكن كوب لبن او شاى باللبن المنزوع الدسم
المحظورات :
من الفاكهة
البلح - التين - العنب - المانجو (و الحمد لله ان الصيف خلص و الفاكهة دى مش موجودة)
الخضروات
البسله لانها تحتوى على سكر و الجزر بكثره و الطماطم بقشرها
كذلك غير مسموح بالبهارات الحريفه او الشطه و لا البقول يعنى اللوبيا و الفاصوليا ممنوعين كمان و العدس
طبعا اوعوا تفكروا تشربوا مياه غازيه و لو حتى دايت و لا تسالى يعنى لا لب و لا سودانى و لا اى مكسرات .
انسوا حاجه اسمها حلويات
يعنى وداعا للبسبوسه و الجاتوه و الشكولاته و الكنافه و ----- الخ
اللبان ممنوع شوفوا حاجه تانيه تمتص عصبيتكم
معلش استحملونى للآخر
امضغى الطعام جيدا و انت بتاكلى و كلى ببطء قدر المستطاع لان ده حيفيد جدا فى سرعة الاحساس بالشبع و حاولى عدم التركيز فى الطعام يعنى اتحدثى مع احدو اعملى اى شىء و انت بتتناولى طعامك اشربى الماء اول الطعام و ليس وسطه
ابعدى نفسك عن كل مثيرات الشهيه
استحملى الجوع و اتعودى عليه ،، خليه صديقك وجع المعده من الجوع اخف من وجع النفسيه من السمنه بكتييييييييير
بين الوجبات لو جعتى و خلاص مش قادره تستحملى
كلى خس و جرجير و كوسه مشويه او مسلوقه باى كميه
و ممكن جزرتين كمان يلا عشان خاطرك
مسموح لك بمعلقتين سكر يوميا او ملعقة عسل نحل
تناولى الفاكهة و لا تتناولى العصائر لان كوب العصير بيحتوى على عدة ثمرات و بالتالى فان كمية السكر كبيره جدا
عصير الطماطم يكون منزوع القشر
انا بقترح عليكى وجبه ظريفه جدا
قطعى الكوسه شرايح و اشويها مع صدور فراخ متبله خفيف فى الفرن اكله جميله م خفيفه
و اخيرا انا عارفه ان الرجيم ده قاسى شويتين بس صدقونى يا بنات اللى بتيجى على نفسها و تلتزم به بتجيب نتيجه هايله و سريعه و مضمونه باذن الله
الشعور بالجوع بيكون فى قمته اول 3-4 ايام بعد كده الجوع بيقل جدا و ده عن تجربه شخصيه
يعنى ادخلى فى تحدى مع نفسك خلال الاربع ايام الاولى
الحمد لله كده اكون وضحت الخطوط العريضه للرجيم اللى حنلتزم به مع بعض ان شاء الله
ملحوظه هامة
لابد من ممارسة اى رياضه لمدة نص ساعه كل يوم
اللى عندها اى استفسار او اى شىء انا طبعا فى الخدمه