الســلامـ عليكمـ ورحمة الله وبركاتهـ
أنشودهـ أعجبتني حبيت تشاركوني فيها
ان شاء اللهـ تعجبكمـ
\
/
\
/
يا وجودي وجود اللي فقد خل ودود
أنبرى حاله وزادت علته من غيبته
كن حاله حالي اللي في مصايبها تزود
يا لله أنك تكشف البلوى وتشفي علته
المطر والعشب طولها علينا بالصدود
والعيون أشفت على شوف الربيع وطلته
كل ما شفت البهايم شبت فقلبي وقود
يا من يداوي جريح القلب ويطفي لوعته
ما يئسنا وما سخطنا ولا تعدينا الحدود
صابرين في ذرى المعبود نرجي رحمته
يوم حنا في رجانا في قيام وفي قعود
فرج الله شدة الحاير ونفس كربته
رين الديك سحابه وأرعدت منه الرعود
و أبرق البارق ولاح في سمانا لمعته
والسماء رشت من هتون الوبل سفح النفود
يا سحاب أمطر يا لله تبارك مطرته
أمطرت سود النصايب وأنحدر سيل زبود
أسعد الخاطر وزود في فؤادي بهجته
ارتوت منه الشهاب وفيضت منه السدود
واكتست منه الأراضي نظرة من نظرته
الخزامى والنفل مع رياحين الورود
عطرت جو الفيافي بالنسيم وهبته
الحمايم غردت والمواشي في سعود
رابعه وسط الربيع وراكعه في خضرته
نحمد الله جاد من جوده على كل الوجود
واحد ما خاب منا داه يرجي فزعته
ياعباد الله ترى ربي على خلقه ودود
لاكن أحذر يسخط الله ثم تنزل سطوته
نشكر الله كل وقت وندعي الله بالسجود
ألتجينا بنور وجهه وأعتزينا بعزته
**
يـاوجــــــودي
إنشـاد : أبوتركي
هندسة : أبو يوسف
**
التحميــــل مــــــــــن
هنــــــــــا
=)
الرئيسية 
