منتديات القصواء الإسلامية


 
الرئيسيةالرئيسية  س .و .جس .و .ج  بحـثبحـث  التسجيلالتسجيل  قائمة الاعضاءقائمة الاعضاء  المجموعاتالمجموعات  دخول  

شاطر | 
 

 مخارج الحرف(تجويد ميسر)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
اهل القران
عضوة نشطة


انثى عدد الرسائل : 41
العمر : 28
البلد : مصر
دعاء :

مُساهمةموضوع: مخارج الحرف(تجويد ميسر)   الجمعة 2 مايو 2008 - 19:49


اعوذ بالله من الشيطان الرجيم

بسم الله الرحمان الرحيم



وبه نستعين والصلاه والسلام على اشرف الخلق وسيدى المرسلين وعلى آله واصحابيه اجميعا

اللهم عليك توكلنا واليك انبنا واليك المصير

اخواتى الكرام اقدم لكم اليوم الحلقات القرآنيه للتجويد الميسر والتى نستخدمها فى المقرأه

واتمنا من الله تعالى ان تنال اعجبكم وايضا لى صديقه مدرسه تجويد معى فى المقرأه والان

سوف اكتب الطريقتين فبالله عليكم لاتبخلو علينا بردودكم


والان سوف نكتب الطريقتين المتبعتين فى الحلقه القرآنيه الاولى

الطريقه الاولى
بسم الله الرحمان الرحيم

المعلمه:
النهارده هناخد درس يا جماعه درس مهم وفى نفس الوقت سهل جدا وهو مخارج الحروف او(مكونات جهاز النطق)

طاب ياترى ايه الدرس ده وهيفدنى فى ايه اقولك انا هيفيد فى ايه انت سكن فى بيت طبعا البيت ده فيه عدة طوابق وكل طابق فى شقه او اثنين وكل شقه فيها حجره وكل حجره فيها 4 حوائط والحائط عباره عن طوب


اذن ان عندى الاساس هنا ايه؟

الدارسه :الطوب

المعلمه :
يعنى انا عشان ابنى بيت كويس لازم يبقا معايا الاساس وهو طوب

كذالك القرآن
اذن انا عندى اساس النطق الصحيح ايه؟

الدارسه: الحرف


المعلمه :برافوا عليكم كما الجمزورى رحمه الله قال



اذ واجب عليهم محتم ..........قبل الشروعى اولا

ان يعلموا مخارج الحروف والصفات

ليلفظوا بافصح اللغات




فقد قال الجمزرى رحمه الله انه واجب وحتما قبل الشروع فى قرأه القرآن ان تعرف مخارج الحروف والصفات لكى تقرئى القرآ، بافصح اللغات


تعالو بقا نستنتج مع بعض المخارج والمخارج هى مكونات جهاز النطق طاب وهل جهاز النطق له مكونات طبعا اه مكونات دلوقتى لما اقولك انتى بتسمع بأيه هتقولى الجهاز السمعى والجهاز السمع بيتكون من الاذن الدخليه والخارجيه وطبله الاذن وكذلك جهاز النطق له مكونات يلى نستنتجها مع بعض

المعلمه :قولى (اب) ـــــــــــــــــــــــ ايه الى اتحرك معاكى اللسان والا الشفتان ؟
الدارسه : الشفتان

المعلمه :برفوا عليكى يبق انا عندى اول عضو (مخرج) هو الشفتان
طاب قولى(ال) ايه الى اتحرك معاكى ؟

الدارسه :اللسان

المعلمه :يبقا انا عندى ثانى مخرج اللسان
طب قولى (اع)خرجت منين ؟ حطى ايدك على رقبتك كده وانتى تحسى بيها
الدارسه:خرجت من الزور

المعلمه :
احسنتى بس الزور فى اللغه العربيه اسمه الحلق عارف لما يكون حد تعبان عنده برد ومش قادر يتكلم لما بيكشف الدكتور بيقوله عندك التهاب حلقى يعن التهاب فى الزور

يبقا انا عندى العضو الثالث هو الحلق

طب قولى (ان،ام)وسدى احدى فتحات انفك هاه حسه بأيه؟

الدارسه :حسه بزنه فى انفى

المعلمه :الزنه دى احنا بنسميها خيشوم والخيشوم ده بيطلع مع هذان الحرفين فقط وتعالو نتأكد سدى احدى فتحات انفك ورددى معايا(اق، اب، اك،اف،اع،اى،.....................)

هه حسيتى بزنه الخيشوم ؟

الدارسه :لا

المعلمه:
يبقا انا لازم اخلى بالى كويس من نطق الحروف يعن لو حسيت وانا بقراه بزنه دى فى اى حرف اعرف انى عندى عيب قرأه وهو الخيشوم

ويبقا احنا عرفنا ان رابع عضو هو الخيشوم

طيب قولى معا كده(قال, يقول، قيل)وعيشى مع الحروف المديه هل حسيت بمخرج لها ؟

الدارسه :لا

المعلمه:برفوا عليكى فالحروف دى حروف هوائيه لانستطيع الامساك بها حد فينا يعرف يمسك الهوى بايده هى نفس الحكايه ودى مخرجه الجوف وهو خامس مخرج (عضو)
يبقا عندى (اب) ــــــــــــــــــــــــــــــــ 1_الشفتان
(ال) ــــــــــــــــــــــــــــــــــــــــــــــــــ ــــ2_ اللسان
(اع) ــــــــــــــــــــــــــــــــــــــــــــــــــ ـــ3_ الحلق (الزور)
(ان، ام) ـــــــــــــــــــــــــــــــــــــــــــــــ ـ4_ الخيشوم
قال، قيل،يقول ـــــــــــــــــــــــــــــــــ5- الجوف
المعلمه: احنا عرفنا كده مكونات جهاز النطق(مخارج الحروف) طاب يا ترى انا لما بتكلم الكلام يخرج من جوه لبره والا بيدخل من بره لجوه
الدارسه :بيخرج من الداخل للخارج

المعلمه :طيب انا عايزه ارتب المخارج دى حسب خروج الكلام يبقا اول عضو ايه؟
الدارسه: الحلق
المعلمه : انا معاكى بس انا هاخد الجوف الاول وهنعرف بعد كده احنا خدنا الجوف الاول ليه يبقا الاول اجوف والثانى الحلق الكلام هيوصل لايه بعد كده؟الدارسه: اللسان
المعلمه : ثم؟
الدارسه: الشفتان
المعلمه:يبقا اخر عضو ايه؟الدارسه: الخيشوم
المعلمه :اذان عندى مكونات جهاز النطق (المخارج)5 مكونات

وبكده يبقا احنا عرفنا المخارج والمره القادمه هنتكلم عن كل عضو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ام جنه
إدارة المنتدى
إدارة المنتدى


انثى عدد الرسائل : 3944
العمر : 35
البلد : مصر
العمل/الترفيه : محفظة قرءان
دعاء :

مُساهمةموضوع: رد: مخارج الحرف(تجويد ميسر)   السبت 3 مايو 2008 - 19:28

جزيتي خيرا حبيبتي
بس يرجي ذكر المصدر

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مخارج الحرف(تجويد ميسر)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات القصواء الإسلامية  :: 
المنتديات الإسلامية
 :: منتدى القرآن الكريم وعلومه :: منتدى علم تجويد القرآن
-
انتقل الى: