أم جنه على كرسي الإعتراف كلولوليييييييييييييييييييييييييش

هديه مني لأم جنه عشان تجاوب وهي مرتااااااااااااااااااااااااااااحه خخخخخخخخخخخخ

واااااو كرسي راااااائع ومريـــــــح
يلالالا يا أم جنة شرفينا وتربعي على الكرسي

ايه ده ام جنة انتي رحتي فين ياحبيبتي لا مفر هتقعدي يعني هتقعدي
متخافوش يابنات انا هجيبهالكم لحد عندكم ماهو بكيفها

ماشي يا وجاين
انا اتاخرت في الرد لان النت كان قاطع
ودلوقتي هابدا اجابة علي الاسئلة بس ياريت بعد كده اللي يكتب اسئلة يكون مرقمهم يعني منظمين
علشان انا باحب النظام
هههههه

اولا اسمي أمل
ثانيا سني 26 والشهر الجاي هاتم 27
ثالثا عنواني االلي متزوجه فيه هو شارع مستشفي الايمان بدمنهور
وعنواني عند ماما شارع عبد الوهاب عمرانية شرقيه جيزة
رابعا الساعه 2 كنت نايمه
خامسا محدش شافني وقتها لاني كنت نايمه
والنهارده مشفتش حد الا بتاع الغاز جه النهارده
ومخرجتش النهارده خالص
اكيد باعرف اختي سندريلا واعرف مديرة المنتدي
شعوري عادي يعني بس حاسه ان في حد مهتم بيا وبيسالني علي كل حاجه باعملها

1- اخواتي 3
2- احلي موقف مريت به يوم ما طلعت الاولي علي المعهد اللي حفظت فيه القرءان
3- اقرب شخصية ليا بالمنتدي بعيدا عن سندريلا اختي هي طالبة العفو من الله
واقرب شخصية ليا خارج المنتدي هي امي
4- افضل كتاب قراته هو الحيل النفسية للشيخ سلمان العودة
5- اتمني طبعا رضا الله في الدنيا والاخرة
اما الشئ اللي نفسي احققه اني اسكن في بيت امام البحر مباشرة لاني باحب البحر جدا
6-رايي بطموحه انها اسم علي مسمي يعني طموحه مرحه ممكن اقول دماغها نضيفه يعني بتفكري كويس ومخك اكبر من سنك الا اذا كان ده مش سنك الحقيقي هههههههههه
انتهت الاجابات

السلام عليكم

ام جنه حبيبتى امس كتبت لك اسئله كتيره و جه ابنى الله يكرمه و راح قفل الجهاز و ضيع لى كل اللى كتبته،،

طيب حابدأ اضع اسئله جديده

1- كيف عرفتى المنتدى و هل هو اول تجربه لك مع المنتديات ام لا ؟
2- اى موقف طريف او ذكرى حدثت لك يوم زفافك او بعد كده مع زوجك و اهل زوجك
هل تتمنى جنه الله يحميها يا رب تطلع نسخه منك ام انك ترى فى نفسك بعض العيوت و تتمنى ألا تأخذها جنه؟؟
و ماهى أهم مميزاتك و رأى الاخرين فيكى؟؟

يلا كفايه كده النهارده .

ولا يهمك جنه بتعمل اكتر من كده
1- عرفت المنتدي من المديرة وهذه ليست اول تجربه ليا في المنتديات
ولكن كنت مشتركه فقط لمراجعه القران اي للتسميع او للتحفيظ في منتديات اخري ولم اكن اتصفح هذه المنتديات مثلما افعل هنا وطبعا المديرة كانت معايا في منتدي اخر وهي اللي اعطيتني الرابط وعرفته وبجد اكتر منتدي باقرا فيه مواضيع واشارك فيه بجديه
2- الموقف هو مش موقف يعني بس هو يوم زواجنا كنا مسافرين مرسي مطروح نقضي اسبوع هناك وطبعا ركبنا القطر من الساعه السابعه صباحا وطبعا نايمه قبلها متاخر السعه 4 الفجر وصحيت خمسه علشان طبعا اجهز نفسي والبس ما نمتش الا ساعه وركبنا القطر كانت الساعه 8
تتخيلوا القطر وصل الساعه كام مرسي مطروح مع انها كلها 3 ساعات وصل الساه 3 العصر
كننا خلاص هلكنا قعدنا 7 ساعات في القطر وانا كل شويه انام علي روحي وانا قاعده بس كان يوم متعب جدا
3- لا طبعا عايزة جنه تبقي افضل مني اكيد كل واحد فينا عنده عيوب واتمني ان بنتي تكون افضل مني بكتير
4- اهم ميزة فيا اني طيبه وهو ده اللي كل الناس بيقولوه عليا وكمان باصفي بسرعه لو زعلانه

يا نهارابيض دى فسحه و لا علقه سخنه ههههههههههه
طبعا لا يمكن تنسى تعبك فى اليوم ده

فعلا الطيبه واضحه فيكى و حاجات كتير كمان

ربنا يسعدك حبيبتى دنيا و اخره

اسيب فرصه للاخوات يطرحوا أسئلتهم

هههههههههه فعلا كانت علقه سخنه مع ان القطر كان مكيف يعني والمفروض انه يوصل في ميعاده لكن بقي النصيب
تسلميلي يا نسيم علي كلماتك الرقيقه
ماشي منتظرة الاسئلة

هههههههههههههههه بامزح معاكي يا طموحه
بارك الله فيكي علي دعائك ليا ولكي مثله ان شاء الله
والكتاب بيتكلم عن تشخيص بعض اسباب غياب الامه ومنها
التواضع الوهمي الكاذب والخوف والقناعه الزائفة وتحميل المسئولية للاخرين وما الي ذلك اقرائ الكتاب اذا عايزة تعرفي المواضيع بالتفصيل لاني طبعا مش هاقدر اشرح ده كله هنا
تسلمي يا طموحه علي التعليقات

شكلك مرتااااااااااااحه ياأم جنه على الكرسي ههههههههههههها
المهم سؤال اليوم عشاني مشغوله مرررررررررررررررررررره
لو يرجع الزمن فيك لورى شوي وش الشي اللي راح تغيرينه ؟؟؟؟
ترجمه
إذا رجع الزمن فيك قليلا إلى الوراء ماهو الشيء الذي تريدين تغيره ؟؟؟؟؟؟
حركاااااااااات ترجمه حلووووووووووووه
ههههههههها بس أحب أتعبك خخخخخ

ياسلااااااااام عليكوا يابنات كل ديه اسئلة اسالها اقولها ايه بقي دلوقتي؟
مع اني حفظاها بس مفيش مانع اني استجوبها برده
السؤال الاول: ايه رايك فياااااااااااااا وبصراحة وايه اللي بيعجبك فيا وايه برده اللي مش بيعجبك؟
السؤال الثاني:ايه اكتر ايام حلوة عشتيها ف حياتك؟ وكانت مع مين بالتحديد؟
السؤال الثالث:ايه اللي ممكن تكوني عملتيه وندمتي عليه بعد كده وقلتي ياريتني ماعملت ده؟
كفاية عليكي كده لحد مااتكتكلك وافكر ف اسئلة عوييييييصة

وجاين عرفتي منين اني مرتاحه انا مرتاحه فعلا ههههههههههههههه
سؤالك طبعا خيالي لان الزمن مش هايرجع بس كنت اتمني اغير مجال دراستي خالص
بدل علم النفس كنت ادرس علوم شرعيه اي نعم درست جزء منها في المعهد اللي حفظت به القرءان لكن جزء بسيط كان نفسي دراستي الجامعية تكون في العلوم الشرعيه

طموحه
1- سلبيات المنتدي
انا من وجهه نظري انه مفيش التزام مننا علي حاجه موحده مثلا قلنا مفيش صور ارواح وقلنا مفيش اسماء اجنبية يعني علي اساس اننا نلتزم بان المنتدي اسلامي لان كتير بادخل منتديات اسلامية وعمري ما الاقي فيها مثلا اخت مسجلة نفسها باسم اجنبي
او عمري ما لاقيت فيه صور مثلا اشياء من هذا القبيل ده يمكن الحاجه الوحيده اللي انا شايفه اننا مش ملتزمين بيه ومن رايي يعتبر من السلبيات اذا كان فعلا الفتاوي تؤيد ذلك
2-مبدأي في الحياة
تنفيذ الوعد مهما كانت الظروف
3-القاب الاعضاء
وجاين ...............الحبوبه
نسيم الجنة ..............الأم
طالبة العفو من الله ............الأخت
سندريلا ...................القطقوطه
تائبة ..................... الطيبة
مؤمنة ....................الودودة
أم نضال .................المثابرة النشيطة
طموحه.....................المرحه

سندريلا
1- رايي فيكي انك طيبة وعلي نياتك ولسه زي ما بيقولو عظمك طري
اللي بيعجبني فيكي اصرارك واللي مش بيعجبني فيكي عندك يعني انك عنيده
2-اكتر ايام حلوة عشتها مرحلة الاعدادي والثانوي وطبعا معاكم ومع اصحابي اللي من الاعدادي وفضلوا معايا لغايه الثانوي انتي عارفاهم طبعا الثلاثي المرح مش هاذكر اسمائهم
3-لما باضرب جنه باندم اني ضربتها

الله يكرمك يا تائبة دايما كريمة كفايه ماء بس
1- انا كنت باشتغل قبل ما اتجوز بس فترة قصيرة 6شهور لكن زهقت من معاملات الناس
ومقدرتش استحمل بصراحه فقدمت استقالتي
2- انا بالفعل طرحت الموضوع ده علي الادارة بس يكون في غرف للتسميع
لاني مش باقتنع بفكرة حفظ القرءان بالكتابة لانه لابد من تعلم التجويد عمليا بالنطق ومخارج الحروف وما الي ذلك
فانا علي امل ان يكون في غرف ان شاء الله ونبدا فيها التحفيظ لاني فعلا كنت باحفظ في منتديات تانيه فيها غرف

اقتباس :

3-القاب الاعضاء
وجاين ...............الحبوبه
نسيم الجنة ..............الأم
طالبة العفو من الله ............الأخت
سندريلا ...................القطقوطه
تائبة ..................... الطيبة
مؤمنة ....................الودودة
أم نضال .................المثابرة النشيطة
طموحه.....................المرحه

أم جنه ليه ماتردين على الأسئله هاه تبقين تقعدين على الكرسي إسبوع زياده وإلا إيه ههها
سؤالي
1-ماهي أكبر صدمه في حياتك ؟؟؟؟
2-وهل تكرهين أحد ولماذا؟؟؟
3-وبماذا تصفين نفسك ؟؟؟
4-وماهي علاقتك بصديقاتك؟؟ وهل إنقطعت بعد الزواج أم لا؟؟؟
5-وهل تحبين كرة القدم؟؟؟
6-وماهي هواياتك؟؟؟؟
7-ومتى إكتشفتي مزاياك وعيوبك؟؟؟
8-وماهي مبادئك في الحياه ؟؟؟
9- وهل تحققت جميع أمنياتك؟؟؟
10- وماهو الحلم الذي تكسر على أعتاب الزمن؟؟؟
11- وهل فقدتي أحدا عزيزا على نفسك؟؟؟
12- وماهو شعورك حينها ؟؟؟
13- هل تعبت يداك من أسئلتي بصراحه بدون مجاملات خخخ ؟؟؟
14- ولماذا تكونين أحيانا جاده بشكل كبير؟؟؟
15- ومتى تقولين للدنيا يكفي توقفي هذا خط أحمر لن أتجاوزه؟؟؟
الله وناسه 15 سؤال تعذيب هههههههههههههههههها وإن شاء الله بكره بيصرون عشرين سؤال
و

اهلا بباقة الورود الحلوه

ماشاء الله عليكم تفرحوا

ام جنه حبيبتى انا سعيده جدااااااااااااا بلقب الام ،، فعلا احسن لقب لُقبت به و يا رب اكون دايما مثل الام للجميع

و انا شايفه الاسئله ماشاء الله نازله عليكى مثل المطر

حاتابع ردودك الجميله

أم جنه أنا زعلانه منك ماتجاوبتي معنا في الأسئله

هاااااااااااااي حبيباتي
معلش ماتزعلوا من ام جنة والله كانت مشغولة كتير وانا كمان
بس ان شالله ترد عليكوا لا تزعلوااااااااااااااا

معلش اتاخرت عليكم بجد كنت مشغوله جدا وكنت مسافرة ولسه راجعه لان اختي كانت ولدت فكنت مشغوله جدا معاهم
طيب هابدا بالاجابة علي طموحه
1- نغمه جوالي مش ثابته باغيرها كل شويه طلع البدر او الاصلاتي او دعاء او نشيد
2-اكلتي المفضلة نجرسكو
3-المكرونه بالباشميل
4-اتمني تحفظ كتاب الله تعالي وتدرس العلوم الشرعيه وتكون من الداعيات الصالحات
5-نعم عصبية

وجاين بالراحه عليا شويه كل دي اسئلة ماشي ليكي يوم
ما تزعليش عقبالك كده لما تتجوزي وتخلفي اختي كانت ولدت وكنت عندهم ومشغوله معاهم
1-الحمد لله ما اخدت صدمات او ما حصل موقف اعتبرته صدمه
2-لا مش باكره حد الحمد لله لاني مش باشوف حد اصلا
3-انا طيبة وعصبيه ومتسرعه بانفعل بسرعه واصفي بسرعه صريحه جدا
4-علاقتي بصديقاتي كانت قويه جدا فعلا قبل الزواج لكن بعده طبعا كل واحده راحت بلد ومفيش اتصال دائم زي الاول
5-لا لا لا لااااااااااااااااااااااااااااااااااااا
6- هواياتي النت والقراءة بس مش دايما في اوقات متفرقه
7-اكتشفتها بعد الزواج
8-نفس السؤال اللي سالته طموحه تنفيذ الوعد مهما كانت الظروف الالتزام بالمواعيد صيانه الامانه الصراحه
9-تحقق جزء منها وليس كلها اكيد الانسان طول ما هو عايش يحلم ويتمني
10-حلمي كنت اعمل بالتحفيظ في مكان متخصص لتحفيظ القرءان ولكن بعد ما تخرجت تزوجت فلم يكن هناك فرصه للعمل بالمعهد الذي كنت ادرس به لاني في بلد تانيه غير اللي كنت به
11-لا
12- اكيد مفيش اجابه بما انه ما فقدت احد
13-انا مش باعرف اجامل طبعا تعبت وعايزة اقوم ههههههههه
14-لان هناك اشياء تتطلب الجدية انا احب ان اكون جاده في المواقف التي تحتاج الجدية
15-عندما احس اني اقوم بعمل يغضب الله سبحانه وتعالي او يكون فيه مخالفه للشرع

ام جنه احم احم احم احم هههههه
انا حسالك برضوا اسئله وجااااااااااوبي عليها بصراحه
ماينص عليه الدستووووووووورهههههههه

1. كيف عرفتي المنتدى يلا جاااااااوبي بدون ماتخذي نفس واحد هههههههه
   
2. ومتى سجلتي فيه هااااااااااااااااااااااا انا وش قلت لك مافي نفس خخخخ
   
3. ولمن سجلتي فيه ايه كان انطباااااااااااااااعك عنه
   
4. وياااااااااااااااااااااترى كيف استمريتي فيه هههههههههههههه
   
5. ابي ادوووووووور لكي اسئله قاتله ههههههه ايوه وليه سميتي بنتك الاموره بجنه
   
6. واخيرررررررررررا بهزززززززززر معااااااااكي بس انا احبك اوي عشااااااااان كدا دخلت
   

انا مش هازعلك واجاوبك بس المفروض ان الاسبوع بتاعي خلص المفروض في اخت تانيه مرشحه للكرسي من اول اليوم بس هاجاوبك
1-عرفت المنتدي من المديرة هي بعتتلي دعوة لادخل منتداها
2- سجلت فيه 23ديسمبر 2007 مكتوب قدامك تحت اسمي
3-في البداية ما كانش كده خالص كان انطباعي عنه انه مش اسلامي لكن الان ما شاء الله اجمل بكتييييييييييييييييير واحسن من الاول
4-عادي يعني بدات ارد علي كل موضوع واقراه واشوف ايه المناسب وايه المفروض ما يكون في منتدي اسلامي وتعاونت مع الادارة في تدوين ملاحظات مثلا حول السلبيات الموجودة حتي قامت الادارة بتعديلها بارك الله فيها
5-عشان نفسي يكون ليا وليها نصيب من اسمها وندخل الجنه
6- ماتزعليش وانا مش بازعل من الهزار هههههههههه

الله يكرمك طموحه وانا كمان افتقدكم كتير

اهلا بك يا ام جنه و مبروك لاختك على المولود الجديد و حمدا لله على السلامه

الله يكرمك حبيبتي نسيم والله يبارك فيكي حبيبتي

مبروك لأختك على المولود الجديد
وياليت يرجع الزمن لورى شوي عشان ماأسألك ولاسؤال لأني اللحين على كرسي الإعتراف إهي إهي إهي

الله يبارك فيكي عقبالك في بيتك
شفتي ما انا قلتلك يوم لك ويوم عليك