الايارب ساعدني لعبد الله السكيتي

(الا ياارب ساعدني) انشوده مبكيه جدااااا

ألا يارب ساعدني ترى درب التعاسة طال=تعبت وتعبت أقدامي دروب الهم تمشيها
عرفت الحزن من صغري عرفت أني فقير الحال=غريب وكلّ هالدنيا عليّ ضاقت أراضيها
فقدت أمي فقدت أبوي ولا لي عزوة ورجال=قهر أبكي قهر أشكي حياتي صرت ما أبيها
يتيم وقسمتي أعيش بلا عم وبليا خال=يتيم وقصتي قصة من أولها لتاليها
شربت اليأس وأصبحت بحياتي فاقد الآمال=وعندي الموت أرحم لي من الدنيا وبلاويها
تعبت أصبر تعبت أسهر وحظي بين ربعي مال=أعاني من ردى حظّي وروحي من يسليها
أحس المجتمع يرفض وجودي وأطلب الترحال=ونظرات البشر تقتل طموحي وأنكوي فيها
أحس أني بلا قيمة شكيت الذل والإهمال=وحيد ودنيتي قفره علي تظلم لياليها
أنا والله محتاج لكم يا طيبين الفال=أبي حب يعوضني عن أيامي ومآسيها
تعالوا بددوا خوفي وخلوّ عطفكم شلال=أبروي ظامي جروحن بشوفتكم وأداويها
تعالوا وأوقفوا بجنبي تعالوا فكوا الأغلال=تعالوا واحضنوا نفس كثير الهم مشقيها
تعالوا وامسحوا دمع على خدود اليتامى سال=تعالوا واسألوا كل اليتامى عن أمانيها
http://www.anashed.net/audio/mar7om/al_ytama.rm

تسلمي يا بنوته علي الانشودة رائعه

الله يسلمك يالغلا ياام جنه