موضوع: دروس في الفوتوشوب ،، تعلمن خطوة بخطوة الأربعاء 26 سبتمبر 2007 - 23:34
السلام عليكم و رحمة الله و بركاته...
النتيجـــة :// بداية احتراف الفوتوشوب خطوة خطوة مع تعلم بعض الحركات الجميلة.
الهــــدف :// إخواننا الكرام في منتدى طريق الجنة الطريقة :// دروس تصميم مشروحة و معروضة على شكل صور موضح عليها كل شيء .
أمثلــــــــة لنتائج من طبقوا تلك الدروس
من نحن ؟
هذه الدروس مبتدئة ...... لكن بنفس الوقت هيا رائعة ..... و سنتابع بعدها دروسا ً أكبر و أضخم إن شاء الله
من رأى فينا خطأ ً ...... فلينصحنا .... فنحن بشر ........
لسنا الوحيدون .......... و لكننا نسعى للأفضل بإذن الله لخير الأمة و نهضتها
و إنه لأمل ٌ أمل ........ جهد ٌ و عمل
صناع الثقة و التغيير
قلبي يهواك مشرفة سابقة
عدد الرسائل : 97 العمر : 42 البلد : السعوديه دعاء :
موضوع: رد: دروس في الفوتوشوب ،، تعلمن خطوة بخطوة الأربعاء 3 أكتوبر 2007 - 22:39
شكرا لك اختي على هذا الموضوع فانتظار البقيه
طالبة العفو من الله مؤسسة المنتدى
عدد الرسائل : 1879 دعاء :
موضوع: رد: دروس في الفوتوشوب ،، تعلمن خطوة بخطوة الإثنين 8 أكتوبر 2007 - 17:51
منتظرين يا آمال باقي الموضوع بشوق لا تتأخرين علينا
أمال مشرفة
عدد الرسائل : 577 العمر : 59 دعاء :
موضوع: رد: دروس في الفوتوشوب ،، تعلمن خطوة بخطوة الجمعة 19 أكتوبر 2007 - 1:10
بسم الله الرحمن الرحيم
اليوم حنبدأ اول درس من دورة الفوتوشوب والي بإذن الله حتشمل:
اولا:درسين مقدمة وشرح للادوات والقوائم الأساسية. ثانيا:3 دروس لتحرير الصور. ثالثا:3 دروس رسم. رابعا:3 دروس تلوين. خامسا:3 دروس للتعامل مع الخطوط. سادسا:3 دروس أساسية في الإمج ريدي.
(مع ملاحظة انه بعض الدروس مقسمة على جزئين)
راح ابدأ على طول في شرح الأدوات الي ماعنده برنامج الفوتوشوب ومايعرف كيف ينصّبه يسألني لو يبغا وعموما هو مافيه صعوبة..
*صندوق الادوات*
مع ملاحظة انه صندوق الادوات مايختلف اختلاف كبير في كل إصدار
الإصدار 7 **** الإصدارCS تشبه بعض صح؟ اكيد... بس الإختلاف في الأدوات الفرعية
راح اشرح على صندوق الإصدار السادس:
اول شي أداة التحريك=(Move Tool (V (شكلها شكل السهم غير محددة في الصورة) هذه الأداة تساعدك على تحريك و سحب الكائنات و العناصر في العمل الفني، أو لسحب العناصر من عمل فني لآخر، باستخدام هذه الأداة يمكنك تحريك التحديد، الشفائف، و الدلائل ( Guide Lines )
A 1- تحديد مستطيل (Rectangular Marquee Tool (M استخدم هذه الأداة إذا أردت عمل تحديد مستطيل، كما تستعمل لتحريك التحديد 2- تحديد بيضاوي=Elliptical Marquee Tool لعمل تحديد بيضوي و دائري 3- تحديد صف واحد =Single row marquee tool لعمل تحديد بارتفاع 1بكسل 4- تحديد عمود واحد=Single column marquee tool لعمل تحديد بعرض 1بكسل 5- اداة القطع او الاقتصاص(التأطير(=(Crop tool (C يقوم بتعيين إطار التأطير و من ثم يقتطع الصور بالضغط على Enter
------------------- B 1- تحديد حر=(Lasso Tool (L تستخدم هذه الأداة لتحديد حر يرسم يدوياً. يتم عمل التحديد عن طريق سحب المؤشر في الاتجاه المطلوب 2- تحديد مضلع=Polygon lasso Tool يرسم تحديد حر بخطوط مستقيمة 3- تحديد مغناطيسي=Magnetic lasso tool يرسم تحديد حر ينجذب إلى حدود العنصر أو الكائن
------------------- C 1- الختم المطاطي=(Rubber Stamp Tool (S ترسم عن طريق نسخ الصورة 2- ختم النقش(الحشو(=Pattern Stamp Tool عند تحديدك لحشو Pattern تقوم هذه الفرشاة بالتلوين باستخدام ذلك الحشو
------------------- D 1- فرشاة المحفوظات(السيرة(=(History Brush Tool (Y هذه الأداة ترسم بمقتضى السيرة المختارة أو المشهد 2- فرشاة النقش(الفنية الآلية)=Art History Brush Tool ترسم بضربات فرشاة محددة على حسب شكل الفرشاة المستخدمة
------------------- E 1- ممحاة=(Eraser Tool (Eتستخدم هذه الأداة لمحو البكسلات، أو لاسترداد أقسام من الصورة عبر السيرة و ذلك بالضغط على Alt أثناء استخدامها 2- الممحاة الخلفية=Background Eraser Tool تمسح المناطق إلى الشفافية عن طريق السحب 3- الممحاة السحرية=Magic Eraser Tool تقوم بمحو الألوان المتشابهة القيمة إلى الشفافية بنقره واحدة
------------------- F 1- قلم الرصاص=(Pencil Tool (N استخدمه لرسم ضربات فرشاة حادة الحواف 2-السطور=Line Tool تستخدم لرسم خطوط و أسطر مستقيمة
------------------- G 1- التمويه=(Blur Tool (R تستخدم هذه الأداة لتخفيف و إضافة تأثير التمويه على الحواف الحادة 2- الوضوح=Sharpen Tool تقوم بزيادة و ضوح وحدة الحواف الناعمة 3- الإصبع=Smudge tool تقوم بدمج البيانات في الصورة
------------------- H 1- انقاص الكثافة=(Dodge Tool (O تقوم هذه الأداة بتفتيح مناطق من الصورة 2- زيادة الكثافة=Burn Tool تستعمل لتعتيم مناطق من الصورة 3- الإسفنجة=Sponge tool تغير الإشباع الخاص بمنطقة ما
------------------- I 1- القلم(الريشة)=(Pen Tool (P تساعدك هذه الأداة على رسم تخطيط Path ناعم الحدة 2- الريشة المغناطيسية=Magnetic Pen Tool ترسم تخطيط ينجذب إلى حواف الكائن أو العنصر 3- ريشة الرسم الحر=Freeform Pen Tool ترسم تخطيط على شكل رسم حر بنفس الشكل الذي تسحبه 4- اضافة نقطة ارساء (+)=Add Anchor Point Tool (+) انقر بهذه الأداة على تخطيط لإضافة نقطة إرساء 5- حذف نقطة ارساء (-)=Delete Anchor Point Tool (-) انقر بهذه الأداة على نقطة إرساء من التخطيط لحذفها 6- تحديد مباشر=(Direct Selection Tool (A تقوم بتحديد و تحريك التخطيط أو جزء منه 7- تحويل نقطة=Convert Anchor Point Tool تقوم بتحويل نقطة الخطوط الحادة إلى نقطة منحنى، و العكس بالعكس
------------------- J 1- النص=(Type Tool (T تقوم بإنشاء نص على الصورة 2- قناع النص=Type Mask Tool تقوم بإنشاء تحديد على شكل النص المكتوب 3- نص رأسي=Vertical Type Tool لإنشاء كتابة بشكل عمودي على الصورة 4- قناع النص الرأسي=Vertical Type Mask Tool لإنشاء تحديد على شكل النص المكتوب عموديا على الصورة
------------------- K 1- التدرج الخطي=(Linear Gradient Tool (G تقوم بإنشاء تدرج بخطوط متوازية و مستقيمة بين الألوان. للتعبئة باستخدام هذه الأدوات، انقر و اسحب 2- التدرج القطري 3- التدرج الزاوي 4- التدرج الماسي 5-التدرج العكسي
------------------- L 1- القطارة او الشافطة =(Eyedropper Tool (I أنقر بها على اللون لجعله لون الواجهة 2- تحليل الالوان
بس هذي هي الأدوات إللي ممكن تحتاج شرح والباقي إنتوا جربوه ماراح تخسروا شي
هذا درس اليوم
طويل؟
:eek:
بس اقرأوه
لانه راح يكون مرجع لكم فيما بعد
يعني الواجب اليوم نظري: قراءة الدرس بالنسبة للمبتدئين ومراجعته بالنسبة للمتقدمين!
وهذا الدرس مضغـوط
http://up1.arabsh.com/d.php?filename=1e628e.zip
الله يوفقكم
أمال مشرفة
عدد الرسائل : 577 العمر : 59 دعاء :
موضوع: رد: دروس في الفوتوشوب ،، تعلمن خطوة بخطوة الجمعة 19 أكتوبر 2007 - 1:11
يللا اليوم افتحوا الفوتوشوب وتابعوا الدرس معي
تمام؟^^
فتحنا الفوتوشوب؟.......
كيف شكله؟
باعطيكم صورة للي يشوفوا الفوتوشوب اول مرة:
هههههه لو ماعندكم صورة الولد معناها الفوتوشوب الي عندكم ضارب:لقافة: و.....تقليد!
هههههه بمزح بمزح!:D <---- ياثقل الدم.. يعجبني هذا التصميم -مش انا الي سويته- إن شاء الله توصلوا لمرحلة تعملوا فيها تصاميم روعة ومعبرة بنفسكم
طيب انا بستعمل الصورة الي حطيتها وبشرح عليها شايفين كم قائمة اساسية موجودة؟
3 صح
(دحين نصكم مركز على البيبي وناسي القوائم في اي جهة (0 0 )" )
طيب تعالوا نقرب اكثر للقائمة الاولى @_@
المستعرض = Navigator 1- تكبير وتصغير الصوره 2- ادراج قيمة التكبير والتصغير بالنسبة المؤية
المعلومات=info هذا يعطيكم معلومات عن درجات الالوان(في المنطقة المحددة بالفأرة) بالنسبة لنوعية الوان الـRGB وبالنسبة لألوان الطباعةCYMK
و يحدد لكم موقع (الفأرة)على الصورة بالإحداثيات X-Y
اللون=color وهذي تقدروا تحددوا منها الألوان (تقدروا تستغنوا عنها لانها متعبة^^)
حامل الألوان=swatches لاختيار الألوان (وأيضا تقدروا تستغنوا عنها^^)
أنماط=styles هذي مهمة ومفيدة جدا هي عبارة عن انماط او قوالب يمكنك إضافتها على الأشكال المختلفة -الفرش-النصوص.
(من الممكن انكم تخلوها قائمة وحدة انا فصلتها حتى تشوفوا الأسماء)
على السريع اولا السيرة=history هذي النافذة تحفظ كل نقرة زر وكل خطوات التعديل في الملف المفتوح.
عمليات=actions هذي مفيدة في (تسجيل)خطوات تصميم معين وإعادة تكرارها بضغطة زر! (راح اعطيكم تطبيق عليها واشرحها لاحقا بإذن الله^^)
إعدادات مسبقة للأداة=tool presets
الشفائف=layers هذي اهم نافذة وهي طبقات او شفائف التصميم بعدين راح نتعلم منها صيغ الدمج..
الطبقات=channels (وبالعامي اعتقد انها تسمى قنوات عند بعض المصممين)
التخطيطات=pathes هذي مفيدة في تكوين الـCostum Shapes وراح اعطيكم تطبيق بسيط عليها.
~[color=red]*نصائح*[color:9eb5=green:9eb5]~
1-بإمكانكم التحكم في هذي القوائم وتقليل عددها وترتيبها بالشكل المناسب لكم عن نفسي نافذة الألوان وحامل الألوان مالهم داعي^.^ تضغطوا عليهم(عند اسم النافذة) وتسحبوا النافذة للخارج فتصير قائمة لوحدها...وبكل بساطة تضغطوا على زرX في اعلى القائمة!
2-القائمتين الاخيرتين الي شرحتهم خلوهم مع بعض في قائمة وحدة اول نافذة فيها الشفائف والأخيرة السيرة حتى يسهل التنقل لأنها اكثر النوافذ استخداما.
3-توجد قائمة غير معروضة وهي تقريبا مهمة (تتعلق بالنص ومواصفات النص) بإمكانكم إضافتها من القائمة الرئيسية:
[color:9eb5=teal:9eb5]>>Character=حرف وهذي تتحكم فيها بنوع الخط وحجمه ولونه وطوله وعرضه^.^وإضافات اخرى جزء منها يظهر تحت القوائم الاساسية عند الضغط على اداة تحرير النص T
هذي قوائمي:
^^
مفهوم؟؟؟؟
طيب ننتقل للقسم الثاني من الدرس
على فكرة هذي الفقرة من الدرس ماراح تلاقوها في مكان هي يمكن تبدو لكم صعبة شوية بس إن شاء الله مع مرور الدروس راح تتثبت في ذهنكم مهي طويلة بس ركزوا معي^^
الـ Plug-ins و الـ Presets هي مجلدات تلاقيها داخل مجلد برنامج الفوتوشوب المنصب على جهازك وهي تقدر تعتبرها مجلدات (الإضافات) على البرنامج
يعني احيانا تلاحظوا انه فيه ناس عندها فلاتر اكثر منكم..ليش؟؟
او ناس عندها فرش مختلفة ومنوعة ومنتم عارفين كيف تستعملوها؟
او اشكال او ستايلات هذي فين تلاقوها؟
نبدأ بالـPlug-ins هذا المجلد غالبا راح تلاقوا انه مساره في الكومبيوتر (يعني مكانه في الكومبيوتر) كذا: C:\Program Files\Adobe\Photoshop 7.0 ME\Plug-Ins
(طبعا مع مراعاة انه رقم النسخة يختلف) هذا المجلد هو الي من خلاله تركب الفلاتر
الفلاتر إيش هي؟ هي مؤثرات خاصة ...........بكل بساطة^^
هذا نموذج للفلاتر الأساسية الي بتلاقوها بمجرد ماتشغلوا الفوتوشوب:
طيب إيش الفايدة اني اعرف المجلد الي تنحط فيه الفلاتر؟؟
الفايدة ياحلوين انه لمن تجي تسمع لك عن فلتر ويقولوا لك هذا فلتر رهيييييب وفيه مؤثرات غريبة وعجيبة ولازم تحمله....
تحمله
بعدين....:confused:
لازم تعمل له تنصيب وتضيفه على (هذا المجلد) عشان يظهر لك في قائمة الفلاتر في المرة الجاية الي حتفتح فيها الفوتوشوب
ماراح اقول لكم كيف تثبتوا الفلاترفي الدرس الجاي ان شاء الله يعني كونوا معنا^^
طيب نجي للـPresets هذي مرة حلوة حتلاقوا فيها كل بقية الأشياء الي تقدروا تضيفوها::سعادة:: هذا منظر طبيعي للمجلد و أهم الحاجات الي تحتاجوا معرفتها فيه:
وبرضو في الدروس الجاي راح ناخذها واحد واحد ونتعلم كيف نستعملها::جيد::
^_^
فهمتوا؟؟
بس هذا درس اليوم بكذا نكون انتهينا من الدروس النظرية و بإذن الله الأسبوع الجاي راح ندخل في العمليات
واجب اليوم: نظري أيضا اقرأوا الدرس وافهمووووه جيدا (الي مافهم شي يسأل ) وادخلوا على مجلدات الـPlug-ins والـPresets وتعرفوا عليها^^ واستعدوا للدروس العملية والتطبيقات القادمة بإذن الله
جزاكم الله خير وشكرا لمتابعتكم
وهذا الدرس مضغـوط
http://up1.arabsh.com/d.php?filename=22bcfa.zip
::
الي اللقاء مع الدرس الثالث ان شاء الله
أمال مشرفة
عدد الرسائل : 577 العمر : 59 دعاء :
موضوع: رد: دروس في الفوتوشوب ،، تعلمن خطوة بخطوة الثلاثاء 23 أكتوبر 2007 - 15:05
اهوه الدرس الثالث اقرأوه للنهاية وركزوا فيه عشان تفهموا الواجب
خلصنا مجموعة من الدروس الي هي المقدمة والنظريات الدرس الأول - الدرس الثاني
راح ندخل في الدروس الخاصة بتحرير الصور وراح اعطيكم الأساسيات المهمة الي تحتاجوا تعرفوها...
طيب ندخل في الدرس؟؟
ها درس اليوم فيه واجب عملي ..... فخليكم معي الله يرضى عليكم الدرس حلو^_-
والحاضر يبلغ الغايب
نبدأ بأداة التحديد.....
فاكرين كيف شكلها؟؟:smailes37:
ها كيف الذاكرة؟؟
صح؟
تتذكروا فايدتها؟ هي اول اداة لازم تتعلموا عليها هي بكل بساطة تحدد جزء من الصورة وتعطيك الإمكانية إنك تنسخ هذا الجزء او تقصه او تطبق عليه فلتر بدون مايتأثر الجزء الي خارج التحديد
راح اوريكم شوية تقنيات لازم تعرفوها عن هذي الاداة وتقريبا نفس التقنيات تنطبق على الادوات الفرعية
منظر عام لخصائص الأداة
1-تحديد جديد 2-إضافة للتحديد:إذا اردت تحديد مناطق مختلفة من الصورة بدون اختفاء التحديد الاول. 3-إنقاص من التحديد:إذا اردت إزالة التحديد من مناطق مختلفة من الصورة بدون اختفاء التحديد الاول. 4-تقاطع مع التحديد:لتعيين المنطقة المشتركة بين التحديدين.
5-Feather معناها بالعربي ريشة هي....همممم بالضبط مني عارفة كيف اوصف لكم لكن كل مازودت الرقم المكتوب كل ماكان التحديد اقل وضوحا
مثلا: التحديد مربع-قيمة الفيذر صفر- شكل التحديد:
لو قصينا الجزء المحدد راح يظهر الإختلاف قصوه بضغط زر Ctrl+X
بالتحديد المربع - نزيد قيمة الفيذر 10بكسل-شكل التحديد:
ولاحظوا الاركان صايرة دائرية اكثر
طيب الأخس من كذا جربوا قصوا التحديد بنفس الطريقة
:eek:
فهمتوا الفرق؟؟؟ وصلت؟؟
على الطاير~~~~
ممكن جدا نسوي نفس الطريقة بس مانقص وجه البنت نقص الي حوالينها ونخلي الجزء المحدد
كيف؟
بعد التحديد ومثلا خلينا نقول قيمة الفيذر 10 زي اول
نروح للقائمة:
وبعدين نقص وتطلع النتيجة.. ~~~~
نرجع لخصائص الاداة بقي شي واحد ومهم لواجب اليوم:
6- نمط التحديد لها 3 انواع اول واحد normal تحديد عادي ثاني واحد Fixed Aspect Raito تكون النسبة بين طول التحديد وعرضه بقيمة معينة ثالث واحد Fixed Size قيمة العرض والطول محددة بوحدة البكسلPixle
طبعا الكل يعرف كيف القص والنسخ واللصق يعني ماله داعي اشرحه صح؟؟ القص مثل ماقلت لكم تحدد منطقة معينة وتضغط Ctrl+X النسخ بنفس الطريقة واضغطوا Ctrl+C اللصق بزر Ctrl+V
خصائص التحديد :القائمة المنسدلة: عند التحديد على صورة معينة وعند الضغط بالزر اليمين للفأرة تظهر القائمة التالية:
1-إزالة التحديد 2-عكس التحديد 3-الفيذر (شرحناها قبل شوية) 4-حفظ التحديد 5-تحويل التحديد لمسار(راح نستفيد منها في صنع الـCustom Shapes) 6-انشاء شفيفة جديدة بنسخ المنطقة المحددة 7-انشاء شفيفة جديدة بقص المنطقة المحددة 8-إضافة طبقة جديدة 9-تحول حر (لتصغير وتكبير المنطقة المحددة) 10-تحول التحديد (لتصغير وتكبير التحديد فقط) 11-تعبئة 12-حد وهذي جدا مهمة عند الضغط عليها تظهر قائمة اخرى:
13-آخر فلتر تم تطبيقه
انتهينا من خصائص التحديد والقص ندخل في
الفلاتر
1-تحميل فلاتر جديدة: هنا راح تلاقوا أهم الفلاتر وأفضلها^^
2-تثبيت الفلاتر: تتذكروا فين الفلاتر تنحط؟؟؟
تقريبا في هذا المكان: C:\Program Files\Adobe\Photoshop 7.0 ME*\Plug-Ins
* الرقم يتغير حسب الإصدار..
اضعط مرتين على ملف السيت اب set up الي تنزله مع الفلتر وح يسألك عن الموقع الي تريد تنزيل الفلتر عليه
وبعد انتهاء التثبيت افتح برنامج الفوتوشوب مرة اخرى وراح تلاقي الفلتر اُضيف على القائمة:
~*نصائح*~ قبل تثبيت الفلتر انشيء مجلد جديد داخل مجلد الـPlug-Ins وسميه باسم الفلتر الجديد واختاره حتى تتثبت الملفات الملحقة بالفلتر داخله حتى تحافظ على مجلد الـPlug-Ins مرتب. عند تطبيق الفلاتر بإمكانك التراجع بواسطة زر Ctrl+Z حتى تجرب كل فلتر على حدة وتشوف نتيجة كل فلتر لوحده
بس^^
انتهينا!
طيب الواجب ياحلوييييين
الواجب العملي: ركزوا معي.. هذي الخلفية.. طبقوا عليها كل الفلاتر الممكنة
كيف؟
1-تحددوا عليها مستطيلات ابعادها: طول 60بكسل والعرض 80 بكسل. 2-تطبقوا عليها الفلاتر واحد واحد كل مستطيل فلتر مختلف. 3- تكونوا حدstroke (من القائمة المنسدلة)- متوسط=center -سمكه 1 بيكسل-لونه اسود. 4-وتحركوا التحديد حتى يكون جنب بعضه البعض وتكرروا الخطوات.
زي كذا بس الفرق الوحيد انكم راح تطبقوها على الخلفية كلها انا بس سويت جزء بسيط:
انتبهوا..ترصوا التحديد جنب بعضه البعض...لايزيد ولا بكسل!
حلو الواجب؟؟ رهيب صح؟
وهذا الدرس مضغوط
http://up1.arabsh.com/d.php?filename=c51892.zip
الله يوفقكم^^
أمال مشرفة
عدد الرسائل : 577 العمر : 59 دعاء :
موضوع: رد: دروس في الفوتوشوب ،، تعلمن خطوة بخطوة الثلاثاء 23 أكتوبر 2007 - 15:05
بسم الله الرحمن الرحيم الدرس الاول الدرس الثاني الدرس الثالث
درس اليوم سهل وماهو طويل لكنه مهم جدا ويؤثر في التصميم و ممكن تحتاج وقت حتى تتعود على الصيغ وتحفظها وبعدين انتم وإبداعكم وعلى فكرة الدرس كله صور ...لأنه مايحتاج كلام كثير
من القائمة الاساسية الثالثة:
وبالتحديد في نافذة الشفائف=Layers حتى نستعرض قائمة صيغ الدمج نفتح اي صورة ونضغط على المثلث الصغير عند كلمة (عادي=Normal) فتظهر لنا هذي القائمة: منظر آخر:
راح اشتغل على هذي الصورتين:
إيش اسوي؟؟:confused:
افتح الصورتين عندي في الفوتوشوب اروح للصورة الثانية واحددها بأداة التحديد وانسخها ctrl+c وارجع للصورة الاولى وألصقها ctrl+v ابدأ أغير صيغ الدمج: «-.¸¸,.-~*Dissolve *~-.,¸¸.-» ولاحظوا قيمة التظليل 70% لو كانت القيمة100% ماراح يظهر شي
«-.¸¸,.-~*Darken*~-.,¸¸.-»
«-.¸¸,.-~*Multiply*~-.,¸¸.-»
بس كذا بكل بساطة وعلى فكرة صيغ الدمج تختلف من إصدار لآخر انا جبت صيغ الدمج من الإصدار السابع:smailes100:
ننتقل للجزء الثاني
الدمج بواسطة أداة الكاميرا
مين يتذكر كيف شكلها؟؟ هي اسمها الرسمي غير بس بالعامي يسموها الكاميرا أيوا هذي إيش تسوي؟؟ اختاروها بهذي الإعدادات روحوا للصورة الاولى تبعنا: اوقفوا على المنطقة الي تحبوا تنسخوها..وخلينا نقول منطقة العين وأضغطوا Alt+نقرة بزر الفارة الأيسر روحوا للصورة الثانية انشئوا شفيفة(لير) جديدة...بهذاالزر>>
اختاروا المكان المناسب واضغطوا بزر الفارة الايسر وحركوا شفتوا النتيجة؟ طيب نكمل.. أوووبس><" إيش الي صار؟ ليش تكررت الصورة وماقدرت اكمل؟؟
مو مشكلة اضغطوا تراجع ctrl+z او من السيرة =History تراجعوا خطوة وحدة وحتى تثبتوا التصوير من خصائص الاداة من فوق حطوا صح على المربع الي مكتوب جنبه Aligned (انتبهوا :eek: اول شي تراجع بعدين تثبيت) وبعدين كملوا بسلام
و ممكن تطلع النتيجة كذا وبما انكم سويتوها في طبقة مستقلية يعني تقدروا تتحكموا في صيغ الدمج مثل ما علمتكم اول انا سويت لها Overaly
بس هذا درس اليوم^^
الواجب العملي: هذي الصورتين ابغا منكم: 1-تدمجوها مع بعض بأي صيغة المهم انه ملامح الوجه تكون ظاهرة (يعني ادمجوها بشكل حلو ينفهم ) 2-استعملوا اداة الكاميرا على الصورة الثانية وانقلوا وجه كاموي لهذي الصورة: انقلوها في شفيفة ثانية طبعا وادمجوها مع الطبقة الاولى بحيث انها تكون بهذا الشكل تماما تماما: 3-خمنوا اي صيغة دمج استعملت^^!
أمال مشرفة
عدد الرسائل : 577 العمر : 59 دعاء :
موضوع: رد: دروس في الفوتوشوب ،، تعلمن خطوة بخطوة الثلاثاء 23 أكتوبر 2007 - 15:06
الدرس الاول الدرس الثاني الدرس الثالث الدرس الرابع
درس اليوم مو درس بس راح استعرض لكم دروس من مواقع وراح اشرح درسين بنفسي طيب إيش الرابط العجيب بين هذي الدروس؟؟ الرابط هو انكم راح تلاقوا فيها استعمال للفلاتر+صيغ الدمج عموما هي امثلة وفيه غيرها كثيييير....مروا عليها لانه الواجب منها:smailes100: التطعيج - خلفية مميزة - النار - الإنفجار
فقاعات - اشعاع مميز - هيا بنا نشخمط
المشكلة الدرس الأخير الصور فيه معطلة بس لا يفوتكم..طبقت الدرس طلع لي كذا>>
طيب الدرسين الي بشرحهم واحد اكتشفته والثاني عدلت فيه وهم بسيطين لكن نتيجتهم حلوة وتناسب الصور الطبيعية وصور الانمي كمان
الدرس الأول سميته الألوان المائية:
..........الدرس سويته من زمان...الظاهر عندي سوابق تدريس من جد!
الدرس الثاني
وخليكم مصحصحين: 1-اول شي نختار صورة اي صورة
2-نكرر الصورة مرتين عن طريق الضغط (مرتين)على ctrl+J
3-نغير صيغة الدمج في الصورتين ونخليهم soft light
4-الصورة الاخيرة تضغط عليها وتذهب الى اضافات > نقطة ماء > تمويه ضبابي Filter>Blur> Gaussian Blur وضع القيمة 1 او 2او 3 عشان قوه اللمعة او على حسب اختيارك وكذا تصير>>>>
قبل: بعد:
الدرس الثاني+تعديل
طيب اقول لكم كيف انا لعبت فيها ؟ الطبقة الأولى غيروا صيغتها لـOveraly الطبقة الثانية غيروا صيغتها لـDarken و قللوا قيمة التظليل=Opacity إلى 70% الطبقة الثالثة الاخيرة كرروا عليها نفس الفلتر السابق Blur قبل:
بعد:
بعد..الإضافة:
اختلاف بسيط لكنه حلو:eek:
... بس! انتهينا الحمد لله
الواجب العملي: 1-طبقوا واحد من الدروس الي اعطيتكم إياها في بداية الدرس...
2-هذي الخلفية الدموية: هــــنــــ*.*ــــا طبقوا عليها الدرس الثاني+التعديل
+ طبقوا على الشفيفة الاخيرة background الفلتر هذا Filter>>Noise>>Add Noise
أمال مشرفة
عدد الرسائل : 577 العمر : 59 دعاء :
موضوع: رد: دروس في الفوتوشوب ،، تعلمن خطوة بخطوة الثلاثاء 23 أكتوبر 2007 - 15:07
الدرس الاول الدرس الثاني الدرس الثالث الدرس الرابع الدرس الخامس
اليوم حنبدأ بدروس الرسم البسيط بالفوتو اول اداة تجي عالبال لمن نقول رسم هي......
الفرشة طبعا كيف شكلها؟؟
صحيح طيب فيه من القائمة الرئيسية من إطارات=Window
اختاروا فراشي=Brushes وراح تطلع لكم قائمة راح اشرح القائمة الإنجليزية لانه هذا الي عندي^^"
1-عرض للفرش و امكانية تعديل قياس الفرشة 2-الخيارات الأساسية التحكم في القياسDaiametre والزاوية Angle و تمدد وارتفاع الفرشةوالمسافة بين كل ضربة فرشة واخرى Space. 3-ديناميكية الشكل او حركة الفرشة تعديل الزاوية والأبعاد. 4-انتشار الفرشة حول المحور. 5-تركيب نسيج من الـPatterns على الفرشة. 6-دمج فرشة اخرى مع الفرشة الحالية. 7-ديناميكية الألوان..دمج لون الخلفية والمقدمة , تغيير الوضوح واللمعان. 8-ديناميكيات اخرى:التظليل,التدفق. ------ 9-تشويش. 10-حافة رطبة (كأنك ترسم بألوان مائية) 11-تأثير البخاخ(تعرفوا ألوان البخاخ:smailes105: ؟؟) 12-تنعيم. 13-حماية النسيج.
طيب هذي القائمة الأساسية.. خلصناها جربوها حتى تفهموا اكثر.
كيفية صنع فرشة..
كيـــــ:confused: ــــــف؟؟؟؟
ببساطة انا بقول لكم عن التقنية الأساسية اما كيف تعملوا (شكل) فرشة فهذا اخليه لإبداعكم
بعد ما تسووا الفرشة..رسمة ,علامة,اسم, اي شي تحبوه تحددوا عليها بأداة التحديد وتأكدوا انه الخلفية شفافة.. تروحوا للقائمة Edite>>Define Brush تحرير>>تحديد فرشاة وتحطوا لها اسم وموافق مبروك صارت عندكم فرشة!!! :smailes35:
فرش جاهزة...
الفرش الجاهزة كثييييييييييييرة ولاتُحصى لسبب بسيط وهو انه كل من هب ودب يقدر يعمل فرشة لأنه الطريقة في متناول الجميع ,صح ؟ ادخلوا على هذا الموقع..
وفي مستطيل البحث فوق اكتبوا كلمة Brushes وراح تلاقوا فرش خيالية بأعداد هائلة وهذي امثلة..
أما كيف تركبوها فـ >>
أو...
لمن تفتحوا الملفات المضغوطة تاخذوا الملفات الي امتدادها .abr وتنقلوها للمجلد Burshes داخل برنامج الفوتوشوب:
الي هو رقم واحد ولمن تفتحوا الفوتوشوب مرة ثانية اتبعوا الخطوتين الاولى الي في الدرس الي فوق وفي آخر القائمة حتلاقوا اسم الملفات الجديدة الي دخلتوها اختاروها لو حابين تضيفوها...
إيش الفايدة؟؟؟ انه الملفات تبقى مرتبة ومنظمة .... ولأنه احيانا الفوتوشوب يعند ويمسح إعداداتكم الشخصية:smailes57: وتصير قائمة الفُرش زي ماشفتوها اول مرة في الفوتوشوب:D
لو كانت كل الملفات الجديدة في مجلد الفُرش راح توصلوا لها بسهولة....فهمتوا؟
طيب لو واحد فيكم جادت قريحته وصار يضرب هنا وهناك ويخترع اشكال فرش ماحصلت...وسوا مجموعة هائلة وراااائعة من الفُرش المبتكرة وحب يعرضها علينا ويشاركنا بيها بحيث اننا احنا كمان نقدر نستعملها لازم يحفظها لنا في ملف abr. صح؟؟؟
طيب كيف يصير هذا؟؟
انشاء مجموعة فرش جديدة
اول شي....اتبعوا هذي الخطوات اختارو فرشة وافتحوا القائمة الي تختاروا منها الفُرش اضغطوا على الدائرة الي بالركن الأيمن العلوي ومن القائمة Save Brushes
بكذا تصير كل فراشيكم كلها كلها الي كانت موجودة محفوظة....
لو حابين تسووا مجموعة جديدة وتشاركونا بيها امسحوا كل الفُرش الآن
:eek:
يس مو انتوا حفظتوها باسم؟؟ يعني بامان لاتخافوا
امسحوها بنفس الخطوات ونفس القائمة بس اضغطوا Rest Brushes وراح تطلع رسالة اضغط اوكي....
صعبة هذي الخطوة...نفسيا!!
بس ما انتهينا ...لأنه حط لك الفُرش الأساسية بالفوتوشوب والباقي امسحها يدويا
اوقف عند كل فرشة واضغط بالزر الأيمن و Delete Brush
خلاص شطّبت؟؟:D
لحظة لحظة لحظة.........خلوا كم فرشة بس!! عشان لمن تصنعوا فٌرشكم حتنصنعوها بإيه؟؟
خلوا بعض الفرش وافتحوا ملف شفاف زي ماقلت مليون مرة خلوه كبييير على قد إبداعكم
وارسموا في كل مكان (بس انتبهوا تتشابك الأشكال مع بعض )
لمن تخلصوا وقبل ما تحولوها لفرٌش
امسحوا كللللللللل كللللللللللل الفرش الباقية ><"
بعدين ابدأو حددوا على كل شكل على حدة و.. Edite>>Define Brush تحرير>>تحديد فرشاة وتحطوا لها اسم وموافق.. وتكرروا نفس العمل على كل الأشكال الي رسمتوها... بعدين بعد ما تتكون مجموعة لا بأس بها من الفرش..
كرروا نفس الخطوة لحفظ المجموعة الجديدة:
باسم جديد طبعا .. الف مبروك! صارت عندكم مجموعة فرش بأسمكم^_- وتقدروا تتبادلوها مع اصدقائكم او تحطوها بالنت والكل حيستفيد منها!
مجموعة السمايليز الجديدة حطيتها تحت الدرس >>>
فيه طريقة ثانية باستخدام الـPreset Manager لكن مشكلتها انها تحفظ كل فرشة على حدة (بشكل مجموعة فرش)
الحمد لله.....
هذاالدرس بكل بساطة^_- استعدوا للدروس الي حتتعبكم!!!
الواجب العملي:1- أكيد راح اقول لكم اعملوا لي فرشة بس كيف؟؟ اول شي تفتحوا ملف جديد Transparent يعني خلفيته شفافة...
وتختاروا من قائمة الفرش فرشة دائرية عادية او الي تحبوه ...
وباستخدام الفارة....تكتبوا بيها اسماءكم في المنتدى (كل واحد يكتب اسمه بس^^) بأي طريقة تحبوها...
و تتبعوا خطوات صنع الفرشة:smailes43:
و...
تعملوا فرشة ثانية تكتبوا فيها ( برامـج نت ) برضو بنفس الطريقة
بس لو سمحتوا وروني إبداع!!
وحطوها لي كمجموعة فُرش جديدة
بس اقرأوا الدرس كم مرة حتى تفهموه
مجموعة سمايلز جديدة^^
أمال مشرفة
عدد الرسائل : 577 العمر : 59 دعاء :
موضوع: رد: دروس في الفوتوشوب ،، تعلمن خطوة بخطوة الثلاثاء 23 أكتوبر 2007 - 15:10
السلام عليكم
الدرس الاول الدرس الثاني الدرس الثالث الدرس الرابع الدرس الخامس الدرس السادس
درس اليوم زي ماقلت لكم مارح ناخذه في الفصل تعالوا اقول لكم ليش........
هو بكل بساطة لمن جيت للنت اشوف الدروس الموجودة الخاصة بالشي الي حبيت اعلمكم كيف تعملوه (Custom Shapes)
لقيت درس فيه تماما تماما نفس الشي الي كان في بالي
هو طويل....وصعب شوية لكنه مفصل...وواضح ::مغتاظ::
ومافي داعي اعيده نفسه واتعب واشرحه وهو موجود (لانه فعلا طويل وفيه تفرعات)
مصطلحات جديدة قبل ما اعطيكم الدرس:
1-الريشة او الـPen tool هي الأداة الرئيسية في درسنا اليوم..أكيد تعرفوها سابقا.
2-المسار=التخطيطات او الـpath هو مصطلح يطلق على اسلوب التحديد بأداة الريشة (المفروض اسمها قلم)
3-الأشكال او الـCustom Shapes بخطوة واحدة تستطيع تحويل المسار=Path إلى شكل يمكنك التحكم في ابعاده بدون ان تخشى ضياع تفاصيل الشكل
تفضلوا هذا الدرس هنـــــــــــــــ*^^*ـــــــا
... ..
. . . . .
اقراوه كم مرة حتى تفهموه ...مو صرنا نقول لكم اقرأوه مرة مرتين!!:مرتبك: المرات الجاية ان شاء الله تقرأوه اربع خمس مرات حتى تفهموه... :ميت: ههه امزح امزح
التعقيد مو شطارة
فيه نقطة مهمة نحتاجها لواجب اليوم
تحويل التخطيط لشكل شخصي:
في المهمة الثامنة بعد الخطوة الخامسة:
تقدروا تحولوا التخطيط الي عملتوه لشكل عن طريق.. تحرير>>تحديد شكل شخصي Edit>>Defin Custom shape
ألف مبروك صار عندكم شكل خاص...
دحين حتى تحفظوه في مجموعة خاصة وتتبادلوه مع الأصدقاء (يعني تعطوني إياه:مكر: )
طيب حتى ماتزعلوا مني لأني مو انا الي شرحت الدرس... هنا اشكال جاهزة للتحميل^^
وأيضا في نفس الموقع تبع الدرس السابق تكتبوا في مستطيل البحث custom shapes
وبس كذا.. الحمد لله..
الواجب العملي: 1-اختاروا واحد من الأرقام الي هنا:
ماعدا الأرقام الي عاملاها بالأسود هذي لا تستعملوها ابدا...:ميت:
وطبقوا عليها المهمة التاسعة في الدرس:
2-وبعد الخطوة الرابعة حولوها لـCustom Shape
3-احفظوها في مجموعة لوحدها وارفقوها مع الدرس +صورة للشكل الي عملتوه بأحجام مختلفة..
4- الي يكرر رقم الثاني ياويله
أمال مشرفة
عدد الرسائل : 577 العمر : 59 دعاء :
موضوع: رد: دروس في الفوتوشوب ،، تعلمن خطوة بخطوة الثلاثاء 23 أكتوبر 2007 - 15:10
السلام عليكم.... اليوم آخر درس في دروس الرسم..
الدرس قصير بس التطبيق مهم مهم جدا جدا....
الدرس الاول الدرس الثاني الدرس الثالث الدرس الرابع الدرس الخامس الدرس السادس الدرس السابع
الستايلات أو الأنماط من اهم ادوات الفوتوشوب لأنه من الممكن انكم تطبقوا الستايلات على النصوص والفرش واي شكل واي عنصر منفصل في الفوتوشوب..
كيف نصنع ستايل جديد؟؟
عند نافذة الشفائف=Layers اضغط مرتين على الشفيفة وراح تطلع لك هذي النافذة:
هذي النافذة السحرية المعقدة البسيطة الي لو عرفتوها وتعودتوا عليها راح توفر عليكم شغل كثيــــــــر في الفوتو::جيد::
شرح سريع: A-لو ضغطتوا عليها راح تطلع لكم كل الانماط الجاهزة الي عندكم B- هذي الـBlending options الي تعلمنا استخدامها في الدرس الـرابع حنشوف التأثيرات على (شكل-فرشة-نص-صورة)
1-Drop Shadow
2-Inner Shadow
3-Outer Glow
4-Inner Glow
5-Bevel and Emboss-Contour-Texture هذي كلها مع بعض لانها متشابهة
6-Stain
7-Color Overaly
8-Gradient Overaly
9-Pattern Overaly
10-Stroke
طبعا تقدروا تروحو لأي من الخيارات العشرة وتغيروا فيها قد ماتقدروا يعيني الخيارات عندكم شبه لا نهائية!
فـ...عشان كذا صعب اشرح كل واحد لوحده هذي النافذة مافي طريقة حتى تتقنها غير بالتجربة!!! ومرة عن مرة بتصير تخترع ستايلات رهيبة واحترافيه وممكن تغنيك عن استعمال بعض الفلاتر..
تقريبا هذا الدرس بس عشان تحطوا إيدكم على طريقة عمل الستايلات وانتم بعدين بتنطلقوا وبتبدعوا.....يعني الدرس ماينتهي هنا::جيد::
بعد ماتكوّنوا ستايل خاص فيكم...
تضغطوا على New Style حتى يبقى النمط محفوظ وبعدين OK
بس هذا الدرس!
:eek:
هذي المرة تطبيقاتكم (قبل) ما اعطيكم ستايلات جاهزة واقول لكم كيف تركبوها..تمام؟
الواجب العملي:
مهم مهم مهم بالإضافة للواجبات السابقة الفرش والأشكال
1-تستعملوا الفُرش والأشكال الي عملتوها وتعملوا بيها تصميم
اي تصميم تبغوه تخيلوا ...خربشوا بس المهم تكون خربشة ...فنية يعني. 2-وتعملوا لها ستايل او عدة ستايلات
شوفوا التصاميم الجاهزة وحاولوا تقلدوها
أمال مشرفة
عدد الرسائل : 577 العمر : 59 دعاء :
موضوع: رد: دروس في الفوتوشوب ،، تعلمن خطوة بخطوة الثلاثاء 23 أكتوبر 2007 - 15:13
السلام عليكم ياحماة بقية الدرس..
تتمة الدرس الثامن
ستايلات من موقع لون
من موقع The Free Logo Makers
كيفية تركيب الستايل
بس...
وجزاكم الله خيرا لحسن الانتباه
أمال مشرفة
عدد الرسائل : 577 العمر : 59 دعاء :
موضوع: رد: دروس في الفوتوشوب ،، تعلمن خطوة بخطوة الثلاثاء 23 أكتوبر 2007 - 15:14
حندخل اليوم بعون الله على دروس التلوين..
أول دروس سهلة جدا جدا جدالتلوين البسيط
ودروس التلوين البسيط ...(على قفا من يشيل) يعني كثيرة ومالها قاعدة محددة...الشيء المهم في التلوين مش الطريقة ولا التقنيات: المهم قدرتك على المحاكاة (لمن يكون عندك صورة ملونة وحاب تقلدها)
في الدروس الجاية إن شاء الله راح اعطيكم امثلة + -التدريب التدريب التدريب... راح ارص الدروس كلها مع بعض وانتوا شوفوا الطرق المختلفة...
أهم شي تعملوا الواجب ما ابغا شكرا على الدرس ولا يحزنون الدرسين الجاية بإذن الله راح يكون شرح مطوووووول :رامبو: ولازم تكونوا مستعدين فأرجوا انكم تبذلوا مجهود في الواجب...
الواجب العملي: هذي الصورة [color=silver](أضغطوا عليها واحفظوا الصورة المكبرة)
لونوها
و خذوا ألوان الشخصية من هذي الصورة:
^^
و أضيفوا شوية من ابداعكم
ولا تنسوا بعد ماتلونوا توقعوا على الصورة بالفرشة الي عليها اسمكم +(**اسم المنتدى**)...
ولأن الصورة كبيرة جدا...بعد ماتلونوها تروحوا للقائمة الرئيسية [color:b643=darkred:b643]Layers>>Flatten Image الشفيفة>>تسطيح الصورة
و صغروا حجمها......تعرفوا تصغروا حجمها بالبرنامج الي يتصفح الصور؟؟ الي عنده ACD يقول لي (البرنامج الي يتصفح الصور)
وإذا كنتوا تعرفوا كيف ...أفضل.
وبس! الحمد لله
تم النقل بحمد الله
أم نضال ملكة جمال المنتدى
عدد الرسائل : 2259 العمر : 56 البلد : فلسطين المزاج : سعيدة دعاء :
موضوع: رد: دروس في الفوتوشوب ،، تعلمن خطوة بخطوة الثلاثاء 30 أكتوبر 2007 - 8:51
يسلموووووووووووووو حياتى
أمال مشرفة
عدد الرسائل : 577 العمر : 59 دعاء :
موضوع: رد: دروس في الفوتوشوب ،، تعلمن خطوة بخطوة الأربعاء 31 أكتوبر 2007 - 14:40
يسلم مرورك اختي
بنت الرافدين عضوة جديدة
عدد الرسائل : 24 العمر : 43 البلد : العراق دعاء :
موضوع: رد: دروس في الفوتوشوب ،، تعلمن خطوة بخطوة الخميس 1 نوفمبر 2007 - 16:18
السلام عليكم ورحمة الله وبركاته
ردت اسال هو الفوتو شوب برنامج ويتم تنصيبه فى الحاسوب
طالبة العفو من الله مؤسسة المنتدى
عدد الرسائل : 1879 دعاء :
موضوع: رد: دروس في الفوتوشوب ،، تعلمن خطوة بخطوة الجمعة 2 نوفمبر 2007 - 1:37
بالنيابة عن الأخت نعم حبيبتي هو برنامج يسطب على الجهاز لديكِ
بنت الرافدين عضوة جديدة
عدد الرسائل : 24 العمر : 43 البلد : العراق دعاء :
موضوع: رد: دروس في الفوتوشوب ،، تعلمن خطوة بخطوة الجمعة 2 نوفمبر 2007 - 17:25
السلام عليكم ورحمة الله وبركاته
اشكرك اختى داعية الى الله على اجابتك لى ولو انى راح ازعجك ممكن تعلمينى كيف الون الكلمات الى اكتبه فى المشاركة
ام جنه إدارة المنتدى
عدد الرسائل : 3944 العمر : 43 البلد : مصر العمل/الترفيه : محفظة قرءان دعاء :
موضوع: رد: دروس في الفوتوشوب ،، تعلمن خطوة بخطوة الثلاثاء 6 نوفمبر 2007 - 22:14
دروس رائعه ومفصله جزيتي خيرا بس رجاء لا تستخدموا صور اشخاص حتي لو كانت كارتون ارجو حذف الصور
أم نضال ملكة جمال المنتدى
عدد الرسائل : 2259 العمر : 56 البلد : فلسطين المزاج : سعيدة دعاء :
موضوع: رد: دروس في الفوتوشوب ،، تعلمن خطوة بخطوة الثلاثاء 13 نوفمبر 2007 - 3:09
جزاك الله خير
أم نضال ملكة جمال المنتدى
عدد الرسائل : 2259 العمر : 56 البلد : فلسطين المزاج : سعيدة دعاء :
موضوع: رد: دروس في الفوتوشوب ،، تعلمن خطوة بخطوة الأربعاء 21 نوفمبر 2007 - 2:52
الرئيسية 
اكيد... بس الإختلاف في الأدوات الفرعية
وشكرا لمتابعتكم
!
التلوين البسيط
